Menu

Jean-Xavier Ridon

Der Jean-Xavier Ridon isch 1964 z Nantua im Jura gebore. Nachem Studium moderner Literatur a der Universität Paris IV isch er 1987 vo Frankrych i d USA zoge. Er het füf Jahr z Illinois verbracht, Französisch unterrichtet, sy Dissertation zum Thema Michaux u Le Clé abgschlosse u isch uf der ganze Wält umegreist. 1993 isch er „Visiting Assistant Professor“ im Vassar College im Norde vom Staat New York worde u fasch drü Jahr dört bblibe. Sys erschte Buech, Henri Michaux, J.M.G. Le Clézio, l’exil des mots, isch 1995 z Paris i der Editions Kimé erschyne. 1996 isch er uf Europa zrüggcho u z Ängland „Assistant Professor“ a der Universität Nottingham worde. Syni Recherche gö i Richtig zytgenössischi Reiseliteratur, wi sys zwöite Buech, Le Voyage en son miroir, 2002 im glyche Verlag usecho, zeigt. Näbe vilnen andere Projekt füert er sy Forschigsarbeit zu de Theme Reise, Postkolonialismus, Frankophonie u Darstellige vom urbane Ruum wyter.
 

  • Es Video-Interview mit em Jean-Xavier Ridon

    Der Jean-Xavier Ridon im Gspräch mit der Videofilmere Garance Finger nach syre Vorläsig „Nicolas Bouvier dans les labyrinthes de l’ailleurs“ am 11. März 2008 a der Universität Bern im Rahme vo der Semaine de la langue française.