Menu

Didier Berberat

Neuenburger Ständerat, ehemalige Abgeordnete u ehemalige Stadtpräsidänt vo La Chaux-de-Fonds.

„Mi bhautet geng e gwüssi Zärtlechkeit, für nid z säge Liebi für sy Muetersprach. Über di sentimentali Beziehig use isch Französisch für mi d Sprach vor kulturelle Vilsytigkeit uf de füf Kontinänte vo üsem Planet. Öb i – im Zämehang mit mym internationale frankophone parlamentarische Mandat – z Québec, z Belgie, z Burkina Faso oder z Kambodscha oder sogar uf Vanuatu bi, geng begägnen i Mönsche mit ganz verschidnige Schicksau u Kulture. Was üs aber verbindet, isch d Liebi zu üsere schöne Sprach u de humanistische Wärte, wo si vermittlet."

Als Suhn vomene Jurassier u re Elsässere, isch der Didier Berberat am 1. Dezämber 1956 z La Chaux-de-Fonds gebore. Mit em Lizentiat vo de Rächtswüsseschafte, als Anwalt u mit ere Universitätsusbildig als Journalischt isch er Assischtänt für öffentlechs Rächt vo de Profässore Jean-François Aubert u Philippe Bois der Universität vo Neuenburg gsi. Vo 1988 bis 2000 isch er als Chancelier communal vo La Chaux-de-Fonds tätig gsi, bis im Mai 2010 Mitglied u Präsidänt vo der Exekutive vo dere Stadt u glychzyig im Grosse Rat vo Neuenburg, won er o di legislativi Kommission präsidiert het u Outor vom Projekt vomene Dekret für ne nöji Verfassig isch gsi. 1995 isch er i Nationalrat gwählt worde. Syt em Septämber 2009 isch er Abgeordnete vo Neuenburg im Ständerat u i däm Amt Mitglied vo verschidnige parlamentarische Kommissione u Präsidänt vom Usschuss für Bildig, Kommunikation u kulturelli Aaglägeheite vo der Assemblée parlementaire de la Francophonie. Syt 2008 präsidiert er o d Association Défence du Français.

  • Es Video-Interview mit em Didier Berberat. Teil 1

    Der Didier Berberat verzellt vo syre bsundrige Beziehig zum französischsprachige Afrika.
  • Es Video-Interview mit em Didier Berberat. Teil 2

    Der Didier Berberat üsseret sech über d Situation vo der französische Sprach z Asien, bsunders i de drei Länder, wo zum ehemalige französische Indochina ghört hei.