Olivier Delhoume
Gebore 1960 z Briare (Frankrych), isch der Olivier Delhoume o im Bsitz vo der schwyzerische Nationalität. Syt syre Juget gstaltet er Porträt über Künschtler u macht kulturelli Reportage für di regionali Tagespress z Frankrych. Er isch hütt als Journalischt u Kulturvermittler für ds Fernseh u ds Radio z Paris u z Genf tätig, schrybt für Art Passions oder Art & Cultures u git zahlrychi Vorträg zum Thema Buech. D Stadt Genf het ne mit der Organisation vor Drühundertjahrfyr vor Geburt vom J.-J. Rousseau im Jahr 2012 u vom Genfer Kulturfestival z New York beuftreit. Vom französische Staat isch er für syni Verdienschte uf em Gebiet Kultur/Kunscht i der Schwyz im Zämehang mit der Frankophonie zum Chevalier des Arts et Lettres ernennt worde. 2013 isch er Leiter vor Kulturabteilig vo der Stadt Versoix worde u het dört 2015 ds Kulturzentrum Boléro eröffnet. Er isch o Mitoutor oder Outor vo zahlryche Büecher, u.a. Mises au point, paroles de photographes (Gallimard, 2006), Au Japon de Voltaire (Æncrage, 2010), Jardins de rue au Japon – Le temps du Japon – La Grande Armoire mit em Michel Butor (Notari 2010, 2013, 2016), Alexandrie La Divine (La Baconnière, 2014), Dix-huit lustres (Classiques Garnier, 2016), Jazz & Lettres (Fondation Martin Bodmer, 2017), Inimprimés (Flammarion, 2018).
