Menu

Le Poisson-Scorpion de N. Bouvier

D Erzählig Le Poisson-Scorpion (Skorpionfisch), wo vo der eigentleche Reis bis zur Bewegigslosigkeit handlet, list sech als Gschicht vomene Umwäg. Nach zwöine Jahr Unterwägssy körperlech völlig erschöpft, landet der Nicolas Bouvier 1954 wi ne Gefangnige uf der Insle Ceylon, wo für ihn absolut frömd blybt. D Entdeckig vom Andere, wo so wichtig isch, für em Reise e Sinn z gä, verwandlet sech in e Blick nach inne, wo scho gly d Gspänschter u anderi schrecklechi Kreature uftouche. Le Poisson-Scorpion wird so zum Text, wo der Bouvier am beschte d Gränze zwüsche Realität u Fiktion cha befrage u di verschidene Vorussetzige vom Genre Reiseerzählig cha uslote. Mir wärde so ybezoge i d Arbeit vom Schrybe, wo ner der Ort u d Lösig zur Heilig suecht, wo vilycht d Spure voneren Erfahrig chöi mildere, wo der Outor i synen Erinnerige während sym ganze Läbe verfolgt hei.