Menu

Nicolas Bouvier

Der Nicolas Bouvier (1929-1998), Schriftsteller mit „Schuesolen us Luft“, isch sys Läbe lang uf der Suechi nach der Vilfalt vor Wält desumegreist. Er laat üs i syne Wärch Länder la entdecke, won är, wo d Langsamkeit u d Begägnig gärn het, en anderi Klangfülli wahr gno het als die im Okzident. Syt sym erschte Buech, L’Usage du monde (Die Erfahrung der Welt), 1963 veröffentlecht, wo ner sy Initialreis vo Genf uf Afghanistan beschrybt, het ers i allne syne Tägschte druf aagleit, d Bsunderheit vo jedem Ort z erfasse. Ohni je ds Reise z idealisiere, zeigt er üs o di dunkli Syte dervo, wi in Le Poisson-Scorpion (Der Skorpionsfisch) (1981), wo dä, wo reist, sech mit der Müglechkeit vo sym eigete Verschwinde mues usenand setze. Vo Japan bis zu den Aran-Insle füert der Nicolas Bouvier e Dialog mit de verschidnige Kulture, wo ner probiert z verstah, ohni üs je drüber „Wahrheite“ wölle ufzdränge. Di Konfrontation mit em Frömde het ihm ermüglechet, es Wärch z schaffe, won er dermit ds Genre Reiseliteratur ernöjeret het.

  • Uszug Video Le Hibou et la Baleine (Der Uhu u der Walfisch)

    Der Nicolas Bouvier 1993 i sym Huus z Cologny im Gspräch mit der Filmemachere Patricia Plattner (Le Hibou et la Baleine, Dokumentarfilm über e Nicolas Bouvier vo der Patricia Plattner, ddrääjt 1993).
  • Uszug Video Plans-Fixes Nicolas Bouvier

    Der Nicolas Bouvier 1996 im Gspräch mit em Journalist Bertil Galland i sym Arbeitsturm z Carouge über syner schlimmen Erfahrige z Sri Lanka im Zämehang mit der Sammlig Plans-Fixes (Bild: Willy Rohrbach; Ton: Nag Ansorge).