Les Armes miraculeuses
Les Armes miraculeuses isch es Houptwärch vom Aimé Césaire, em Politiker us Martinique, wo glychzytig eine vo de gröschte Dichter französischer Sprach vom XX. Jahrhundert isch gsi. Ihm verdanke mer der Begriff „Négritude“, wo sech mit Erfolg düregsetzt het. I däm Buech het er sy eigeti Sprach erfunde u nimmt ds Thema, wo ner sibe Jahr vorhär mit em Cahier d’un retour au pays natal am Aafang vom Zwöite Wältchrieg aagfange het, wider uuf. I däm Wärch wird bsunders uf Wäggablige gachtet, un es füert quer dür di poetische Gattige u verlageret se. Imene wahre Bilderruusch zwüsche Tragik u Humor engagiert sech der Césaire über di literarische Spilereien use für ne verantwortlechi Ethik, wo sech der Gwalttätigkeit vo der Zyt entzieht. Der Aimé Césaire isch am 17. April 2008 gstorbe.
