Menu

Jean Ouédraogo et Yves Dakouo

Gebore 1965 z Boussé, het der Jean Ouédraogo Burkina Faso verlaa, für a der Universität vo Georgia in den USA romanischi Sprache z studiere; dört het er 1997 sys Doktorat gmacht. Nach eren erschte Stell am Shepherd College z West-Virginia het er 2000 a d State University of New York z Plattsburgh vor de Tore vo Québec gwächslet, won er syt 2005 Diräkter vom Departement für frömdi Sprache u Literaturen isch. Als Outor vo zahlryche Studie u Büecher wi Maryse Condé et Ahmadou Kouroma: griots de l’indicible (2004) u Cinéma et littérature du Burkina Faso (2005) het er o L’imaginaire d’Ahmadou Kourama (2010) u Figuration et mémoire dans les cinémas africains (2010) u, zäme mit der Françoise Naudillon, Images et mirages des migrations dans les littératures et cinémas d’Afrique francophone (2011) useggä. Näbe syne bruefleche Verpflichtige setzt er sech syt 2010 derfür y, dass ds erzieherische Aagebot z Burkina Faso verbesseret wird u – dür P.A.G.E., Inc. u ABPE – Lycées u Bibliotheke bbout wärde.